Ford F150 með AT44 breytingu er gríðarlega öflugur bíll sem hentar í fjölbreytt verkefni. Við höfum breytt talsverðum fjölda svona bíla fyrir margar af stærstu björgunarsveitum landsins með fjölbreyttum útfærslum og aukabúnaði.

Við stefnum einnig á að bjóða þessa lausn til vísindastöðva á Suðurskautslandinu ásamt því að annast leiðangra fyrir aðra. Í þessu samhengi er mikilvægt að eignast breiðan grunn af reynslu héðan, fólk sem þekkir bílinn í notkun og viðhaldi, upplýsingar um hvað þarf að endurbæta og eða hvaða varahluti þarf að hafa með o.s.frv. Reynsla frá Suðurskautinu mun sömuleiðis nýtast í bætt viðhald, notkunarleiðbeiningar og endurbætur á bílum hér.

Ford F350 er sérlega aflmikill bíll með 6.7 lítra V8 Diesel vél sem skilar um 1200 Nm torki. Hann fer því nokkuð létt með að snúa 44 tommu hjólum og hentar mjög vel til breytinga. Þar sem stærð dekkjanna hækkar bílinn töluvert er reynt að lámarka hækkun á fjöðrun, sem nú er aðeins 80 mm og samt hægt að kaupa slaglengd fjöðrunar með lengri dempurum sé þess óskað.

F350 AT44 er bíll fyrir þá sem þurfa að komast hvert sem er hvenær sem er, draga þunga vagna eða flytja mikinn búnað. Þessir bílar hafa verið notaðir af ævintýrafólki, bændum, verktökum og viðbragðsaðilum.